बारा, जेष्ठ ११ गते ।
बारामा अवैध लागू औषध सहित एक जनालाई प्रहरीले पक्राउ गरेको छ । जिल्लाको विश्रामपुर गाउँपालिका-३ मुसहर्वाबाट प्रहरीले लागुऔषध NITRAVET-10 सहति एक जनालाई पक्राउ गरेको हो ।
प्रहरी चौकी मुसहर्वाबाट खटिएको प्रहरी टोलीले पैदल यात्री र सवारी चेकजाँच गर्ने क्रममा भारतबाट नेपालतर्फ आएका पैदल यात्री चितवन भरतपुर-१२ का पुष्पराज तामाङका छोरा अन्दाजी २३ वर्षिय पासाङ तामाङलाई लागुऔषध NITRAVET-10 सहित पक्राउ गरेको थियो ।
तामाङको खल्तिबाट “NITRAVET-10” १९ पता (५६९) पिस भेटिएको जिल्ला प्रहरी कार्यालय बाराका प्रवक्ता एवं प्रहरी नायव उपरिक्षक पुरुषोत्तम प्रसाद पाण्डेले बताउ भयो ।
