बारा, जेष्ठ ९ गते ।
बाराको जीतपुरसिमरा उपमहानगरपालिकामा बाघको आक्रमणबाट एक महिला घाइते भएकी छन् । उपमहानगरको वडा नम्बर १४ स्थित रहेको हलखोरिया साझेदारी बनमा बाघले महिला माथि आक्रमण गरेको हो ।
जितपुरसिमरा–१४ को वोरिङ टोल बस्ने राम बहादुर थिङको श्रीमती अन्दाजी ३२ वर्षिय प्रमिला थिङ हलखोरिया साझेदारी बनमा दाउरा काटीरहेको समयमा अचानक जङगली बाघ आई उनिमाथी आक्रमण गरेको थियो । बाघको आक्रमणबाट घाईते भएकी थिङको विरगञ्ज स्थिथ नेस्नल मेडिकल कलेजमा उपचार भईरहेको छ ।
श्रीमतीलाई बाघले आक्रमण गर्दा संगै घास काट्न गएका श्रीमानले उनको उद्बार गरेर अस्पताल लगेका थिए ।
थिङको गाला र टाउकोमा चोट लागेको छ। डाक्टरका अनुसार उनको अवस्था मध्यम रहेको छ । बाघले आक्रमण गरेको एरियामा प्रहरी सहायक निरिक्षकको कमाण्डमा टोली खटाईएको बारा प्रहरीका प्रवक्ता पुरुषोत्तम प्रसाद पाण्डेले बताउनु भयो ।
