बारामा यस वर्षकै धेरै चिसो, तापक्रम ९ डिग्रीमा झर्‍यो, सिमराका उडान प्रभावित

बारा, पुस १३-

बारामा चिसो ह्वात्तै बढेको छ । बुधबार देखि बारा सहित आसपासका जिल्लामा घाम लागेको छैन भने हुस्सु र चिसो हावा चलेको छ ।

बाराको सिमरा विमानस्थलमा रेकर्ड भएको तापक्रम अनुसार बारामा मंसिर लगतै चिसो सुरु भएको हो । तर पुस महिनामा मंसिरको भन्दा चिसो अत्याधिक बढेको छ । बुधबार बिहान सिमराको तापक्रम १० डिग्रीमा झरेको थियो । बुधबार जिल्लाको तापक्रम ९ डिग्रीमा झरेको थियो । जुन बाराको यस वर्षकै कम तापक्रम हो ।
सिमरा विमानस्थलाले दैनिक बिहान देखी बेलुका सम्म कुनै उडान नगरेको उड्यन कार्यालयले जनाएको छ । मौसम सुधार भएसँगै निरन्तर उडान हुनेछ ।