वैशाख १२ –
वि.सं.२०८३ साल वैशाख १२ गते शनिबार, यस्तो छ ज्योतिषी भुपेन्द्र राज घिमिरेले तयार पार्नुभएको राशिफलः
मेषः
पेट तथा कोखा सम्बन्धी समस्या देखिन सक्नेछ । आज नयाँकामको थालनि नगरेको राम्रो होला । सहयोगको नाममा आफ्ना कमजोरीको फाइदा उठाउनेहरू प्रशस्तै फेला पर्नेछन् । होसियारीसाथ काममा जुट्नु राम्रो पक्ष हुनेछ ।
वृषः
रमाइलो यात्राको योग रहेको छ । साहसीक काम गरेर अरूको मन जित्न सकिनेछ । व्यावसायिक काममा राम्रै फड्को मार्न सकिनेछ । दीर्घकालीन योजना बनाएर नयाँ काम प्रारम्भ गर्ने बेला छ । इच्छाशक्ति बढ्नुका साथै कीर्तिमानी कामको यश लिने अवसर प्राप्त हुनेछ ।
मिथुनः
सहयोगी हातहरु अघि बढ्नेछन् । इच्छा र आकांक्षा पूरा हुनेछ । थोरै लगानीबाट पनि नाफा कमाउन सकिनेछ । बिछोडिएका आफन्तजनसँग रमाइलो भेटघाट हुनेछ । परिस्थितिले नयाँ मार्गतर्फ अग्रसर गराउन सक्नेछ । स्वादिष्ट भोजनको अवसर जुट्नेछ ।
कर्कटः
आज परिस्थिति अनुकूल रहनेछ भने लगनशीलताले लक्ष्यमा पुर्याउनेछ । सत्कार तथा मानसम्मान प्राप्त हुनेछ । सभा समारोहमा सहभागिताको अवसरले मन हर्षित रहनेछ । स्रोतसाधन जुट्नाले जटिल काम समेत सम्पादन गर्न सकिनेछ ।
सिंहः
आज गोपनीयता बाहिरिनाले केही समस्या आइपर्न सक्नेछ । चोट पटकको संभावना पनि रहेकोछ । अवसर प्राप्त भए पनि आत्मविश्वासको कमीले पछि परिनेछ । पहिलेका कमजोरीले केही समस्या उब्जाए पनि सोचेको काम सम्पादन हुनेछ ।
कन्याः
विद्यार्थीहरुका लागि आजको दिन फलदायी रहनेछ । रोजगारी तथा व्यवसायबाट फाइदा हुनेछ । सन्तान सुख प्राप्त हुनका साथै भाग्योदय तथा पदोन्नतिको समेत सम्भावना देखिन्छ । खानपिनको मामलामा मन ज्यादा मोहित हुने देखिन्छ ।
तुलाः
तिव्रतापूर्वक काम गर्दा वेस हुनेछ । विद्यार्थी तथा व्यापारीहरुका लागि आज विशेष फलदायी रहनेछ । सरकारी क्षेत्रबाट विशेष लाभ मिल्नाले मन प्रसन्न हुनेछ । ब्यापार ब्यावसायबाट प्रसस्त अर्थोपार्जन हुनेछ ।
बृश्चिकः
आज रमाइलो यात्रा हुने दिन छ । व्यापार व्यवसाय फस्टाउने छ । रोकिएका काम बन्नाले नयाँ कार्यतर्फ अग्रसर भइनेछ । पहिलेका दुश्मनहरूले समेत मित्रताका हात अघि बढाउनेछन् । आफन्त तथा परिवारजनको साथले उत्साह जगाउनेछ ।
धनुः
काममा ढिलासुस्ति हुनेछ । वादविवाद हुन सक्नेछ, सतर्क रहनु होला । मिहिनेतको नतिजा चित्तबुझ्दो नआए पनि चुनौतीभित्र अवसर खोज्ने समय छ । साझेदारीमा समस्या आउनाले सम्झौता भंग हुन सक्नेछ ।
मकरः
मान प्रतिष्ठा बढ्ने योग रहेको छ । अध्ययन अध्यापन क्षेत्रमा सफलता मिल्नेछ । पारिवारिक सुख सहयोग प्राप्त हुनेछ । लगानी गर्दा व्यवसायमा मनग्गे धनलाभ हुनेछ । राम्रो कर्मफल प्राप्त हुनाले मन प्रसन्न रहनेछ ।
कुम्भः
मनले चिताएको काम पुरा हुनेछ । अध्ययन तथा व्यवसायीक क्षेत्र फलदायी रहेका छन् । कृषि तथा पशुपालनबाट लाभ हुनेछ । प्रतिस्पर्धामा उत्रनुपरे पनि बुद्धिको उपयोगले प्रतिष्ठा जोगाउन सफल भइनेछ । नयाँ काम थाल्न पनि शुभचिन्तकहरूले मात्र साथ दिनेछन् ।
मीनः
मेहनतसाथ गरेको काम सफल हुनेछ । यात्रा अर्थपूर्ण होला । राजनैतिक क्षेत्रमा फलदायी समय छ । प्रेम र मित्रताको बन्धन कसिनेछ भने विशेष उपहारले काममा उत्साह जगाउनेछ । तारिफयोग्य काम गर्दै मनग्गे धन आर्जन गर्न सकिनेछ ।
