आज देशभर १९औँ गणतन्त्र दिवस विभिन्न कार्यक्रमसहित भव्य रूपमा मनाइँदै छ। २०६५ साल जेठ १५ गते संविधानसभाको पहिलो बैठकले नेपाललाई संघीय लोकतान्त्रिक गणतन्त्र घोषणा गरेको ऐतिहासिक दिनको स्मरणमा यो दिवस मनाइन्छ।
राजतन्त्रको अन्त्यपछि स्थापना भएको गणतन्त्रलाई जनताको विजय र नागरिक सर्वोच्चताको प्रतीकका रूपमा लिइन्छ। यस अवसरमा टुँडिखेलमा विशेष समारोह आयोजना गरिएको छ, जहाँ राष्ट्रपति रामचन्द्र पौडेलसहित विशिष्ट व्यक्तित्वहरूको उपस्थिति रहनेछ।
कार्यक्रममा सहिदहरूको सम्झना, लोकतन्त्र स्थापनाका योगदानकर्ताप्रति श्रद्धाञ्जली र गणतन्त्रलाई अझ सुदृढ बनाउने प्रतिबद्धता व्यक्त गरिनेछ।
