नेपाली कांग्रेस जीतपुरसिमरा उपमहानगरपालिका वडा नम्बर ७ जीतपुरको कमिटीले शुभकामना आदानप्रदान कार्यक्रम सम्पन्न गरेको छ । हिन्दुहरूको महानपर्व बडा दशैँ, शुभ दिपावली तथा छठ्ठको अवसरमा कमिटीले शुभकामना आदानप्रदान गरेको हो।
नेपाली कांग्रेस जीतपुरका सभापति रामबाबु गुप्ताको अध्यक्षतामा सम्पन्न भएको शुभकामना आदानप्रदान कार्यक्रममा पुर्व सभासद शोभाकर पराजुली प्रमुख अतिथि रहनुभएको थियो ।
कार्यक्रममा शुभकामना आदानप्रदान सहित नेपाली कांग्रेसको नजिकिँदै गरेको अधिवेशनमा पार्टी प्रती वफादार रहेका सहि लिडर छान्न अनुरोध गरिएको थियो ।
कार्यक्रममा कृष्णाबरत सिंह, कांग्रेसका जीतपुरसिमराका नगर सभापति श्यामबाबु गुप्ता, निरूराय माझी, सुशील ढोढारी, दुर्गा रिजाल, ज्ञानी पास्वान लगायत कार्यकर्ताहरूको उपस्थिति रहेको थियो ।
